NATIONAL News —- Haum nga mag-lockdown ro Negros Occidental matapos kumpirmahon it Department of Health nga naghalin sa Iloilo ro ika-ap-at nga kaso it monkeypox sa nasyon.
Ginpahayag ni Dr. Ernell Tumimbang, provincial health officer, kapareho sa natabu sa kasagsagan it COVID-19, posibleng mag-instrikto ro provincial government sa mga pantalan agud nga mabantayan ro mga barko halin sa Iloilo. Apang makaron hay indi pa sigon raya kinahangean.
Nauna eon nga nagpanawagan si Negros Occidental Governor Bong Lacson sa mga Negrense nga maging madahan ag mapagbantay makaron nga nakasueod eon ro monkeypox sa Iloilo.
Ro pasyente hay sangka 25-anyos nga residente it sangka banwa sa probinsiya ag nagatrabaho sa Iloilo City. Ginasugid nga owa raya it travel history.
Presenteng ginapatigayon makaron it DOH ro contact tracing sa 14 nga katawo nga anang nakasalamuha.
Kadungan kara, ginduaea it DOH ro pagkabaeaka it publiko bangud nga mild symptoms ag bukon it makamaeatay ro monkeypox.
