Posibleng may direktang papel ro bag-ong Supreme Leader it Iran nga si Mojtaba Khamenei sa paghubog it stratehiya it nasyon sa nagapadayon nga gyera ag sa negosasyon para mabawasan ro tensyon sa United States.
Base sa intelligence reports it US, si Mojtaba sigon ro nagadumaea sa diskarte it Iran sa mga istoryang may kaangtanan sa posibleng ceasefire matapos ro mga pag-atake it US ag Israel nga nagpasikeab it kinagamo.
Sa pihak nga kilaea bilang sangka “hardliner” nga nagpaandam kontra sa mga base militar it Amerika, ginakabig man imaw nga importanteng personalidad sa pag-apruba it anumang kasugtanan para mapundo ro kinagamo.
Uwa pa uman nga nakikita sa publiko si Mojtaba matapos imaw nga mag-angkon it grabe nga kahalitan pinsala sa mga pag-atake ku ulihing parte it Pebrero 2026, kun siin namatay man ro anang ama nga si Ali Khamenei ag pilang mga mataas nga opisyal it militar.
