KALIBO, Aklan — Hasta it Agosto 15 eon lang ro extension nga gintao sa mga business establishments sa isla it Boracay agud nga maka-comply sa mga requirements pinaagi it one-stop shop agud maka-operate sa uman nga pagbukas it isla sa Oktubre 26.
Suno kay Community Environment and Natural Resources Office (CENRO)-Boracay head Atty. Richard Favila padayun nanda nga ginabuligan ro mga business owners agud nga mangin compliant sa ginapatuman nga layi ag regulasyon.
Gin-insister pa kara nga hugot nanda nga ginapatuman ro “no compliance, no operation” policy sa reopening it isla.
Ro sin-o man nga indi maka-eagas sa deadline hay kinahang-ean nga i-proseso ro andang mga papeles sa nagaka-igo nga ahensiya eabi eon sa DENR, DOT ag DILG .
Ro one-stop shop hay nagbukas ku Hulyo 30.
Ro mga business owner hay obligadong magbuoe it LGU requirements nga ginaeakipan it mayor’s permit, barangay clearance, Bureau of Internal Revenue annual registration, clearance certificate maghalin sa Social Security System, occupancy permit, garbage fee, sanitary permit, real property tax clearance ag building permit.
Mag-eowas kara, magabuoe man sanda it environmental compliance certificates (ECCs), certificate of non-coverage (CNC), discharge permit, ag permit to operate agud mangin environmental compliant.
Kung ro business establishments hay fully-compliant eon sa nasambitang mga requirements,pwede eon nga magbuoe it accreditation maghalin sa DOT.
