KALIBO, Aklan–Magaarangkada makaron nga adlaw it Biyernes, Oktobre 7 ro Opening Salvo it Makato Sto. Niño Ati-Atihan Festival 2023.
Suno kay Makato Mayor Ramon Anselmo Martin D. Legaspi III, magapabilin ro nakaangdan nga tradisyon it selebrasyon bangud nga malisod raya nga bag-uhon.
May makit-an suno kana nga pagbag-o sa andang banwa apang mga dekorasyon, flow it programa ag mga aktibidad eamang nga ginpahaom it lokal nga gobyerno.
Malisod suno kana magmintinar it tribu ag grupo rason nga bukon imaw it sigurado kon tanan nga kabaryuhan hay may gin-establisar eon apang ro sigurado imaw hay may unang grupo it mga inonga nga magatamboe ag magasadsad sa andang mga nagapangunang karsadahon bilang senyales man it pag-umpisa it dag-unang festival.
Magapatigayon man imaw it anang State of the Municipal Address ukon SOMA kon siin dikara nana igapresentar ro anang ‘achievement’ sa sueod it 100 diyas sa pwesto bilang akalde it nasambit nga banwa.
Maga-umpisa ro Sadsad sa Kalye alas-2:00 it hapon samtang pagabuksan ro Food Court sa banwa bandang alas-6:30 it gabi-e.
