Nagaabot eon sa 22 ro nailistang namatay sa nag-eontad nga 7.7 magnitude nga linog nga tumama sa capital city nga Bangkok sa Thailand.
Suno kay Bombo International News Correspondent Joanne Paula Averion, mag-eowas sa mga namatay sa nasambit nga insidente hay nagaabot man sa 200 katawo ro naireport nga naninahan nga iba ro sa mga raya hay nagapabilin pa sa ospital para sa nagakaigong pagbueong.
Ro mga namatay suno kana hay halin sa narumpag nga underconstruction nga skyscraper building ag ro ibang mga naninahan hay halin mat-a sa iba pang edipisyo ag panimaeay nga nagkaeawasak.
Sa piha kara, nagpaguwa it pahayag ro Philippine Embassy sa Thailand nga uwa it mga Pilipino nga nakaeakip sa mga biktima matapos nga maabong nairecord nga Pinoy ro nagatrabaho ag nagaistar sa Bangkok, Thailand.
Sa makaron suno kay Averion hay balik sa normal ro operasyon it negosyo, trabaho ag iba pa sa nasambit nga lugar.
