Nabaton eon it Senado ro articles of impeachment kontra kay Vice President Sara Duterte ku ngayong Miyerkules, Mayo 13.
Ginkumpirma man ni House Secretary General Cheloy Garafil nga nabaton ni Senate Secretary Dong Mendoza ro articles of impeachment.
Umabot ro mga dokumento sakay it convoy halin sa House of Representatives.
Ginbaton raya it Senado pasado alas-7:00 it gabie sa pihak it nagapadayon nga tensiyon sa sueod it Mataas nga Kapueungan.
Madumduman nga ku adlaw it Lunes, Mayo 11, kat inimpeach it House Committee on Justice si VP Sara sa botong 257 nga pumabor, 25 ro nagpamaeabag ag 9 ro nag-abstain.
Matapos nga daeayong ma-transmit ro impeachment articles sa Senado, nakataeanang magtindog bilang impeachment court ro kapueungan para sa pagbista.
Nauna eon nga ginsigurado ni Senate President Alan Peter Cayetnao nga “forthwith” ukon insigida nga maga-convene ro kapueungan sa oras nga mabaton ro articles of impeachment.
