Indi makabig nga hearing ro ginpativgayon nga “pueong” it pilang resource person ag Senate blue Ribbon Committee sa pagdumaea ni Senador Erwin Tulfo angotl sa flood control scandal nga naunang gin-imbestigahan it Senado.
Sa pag-umpisa it meeting, magkaseparado nga ginhambae nanday Erwin, chairman it Blue Ribbon committee ag Senador Francis “Kiko” Pangilinan, vice chairman it komite nga bukon it hearing nga makabig ro pueong bangud nga bukon pa kumpleto ro miyembro it lupon.
Kadungna kara, ginpamatud-an man ni Pangilinan nga puro consultative ag organizational meeting ro natabu nga pueong ag indi makabig nga opisyal nga pagpamati.
Samtang, ginsuspinde ni Blue Ribbon Committee Chairman Tulfo ro meeting bilang pagtau it pagrespeto sa mga biktima it magnitude 7.0 nga linog sa Mindanao.
Gin-anunsyo man ni Tulfo nga magabisita ro mga myembro it bag-o nga majority bloc sa mga apektado nga mga lugar sa ms madali nga paniempo.
