Nagsaka eon sa kapin P1.45 billion ro nalista nga damages sa mga pampublikong imprastraktura halin sa tatlong rehiyon bangud sa pagpanaeasa it bagyong Agaton.
Raya hay sandig sa inisyal nga pagtantiya it Department of Public Works and Highways (DPWH).
Suno kay DPWH Secretary Roger Mercado, ro DPWH Bureau of Maintenance ro nagpatigayon it damage assessment kung siin ro estimated cost of damage sa mga nasamad nga national roads ag mga tulay hay sumaka eon sa P1.45 billion, ag raya hay halin sa Regions 8 (Eastern Visayas), Region 12 (Soccksargen), ag Region 13 (Caraga).
Ginpaathag ni Mercado nga ro estimated damage sa imprastraktura eabi eon sa mga national roads hay humampak eon sa kapin P1.30 billion hasta it P1.27 billion, samtang P30 million mat-a sa mga tulay.
