Insigida nga ginmanduan it Malacanang ro Department of Trade and Industry (DTI) nga tutukan ro baealigyaan it mas baratong asukar sa masunod nga dominggo.
Raya hay para masiguro nga mas maabo nga consumers ro makabakae it P70 kada kilong asukar.
Ginkasugtanan nga pagalimitahan it participating retailers sa sang kilo kada consumer anay ro pagbaligya para malikawan ro posibleng hoarding.
Ro availability it P70 kada kilong asukar hay magabuhay eamang hasta it may supply.
Una kara, ginpahayag ni Executive Secretary Victor Rodriguez nga nagpromisa eon ro pilang supermarket ag malls nga mag-unload it sang milyon kilos it asukar sa haegang P70 kada kilo sa Metro Manila.
May nag-commit man it daywang milyon kilo it refined sugar sa haegang P70 per kilos, samtang ro connected stores kanda hay igabaligya ro washed sugar sa P70 kada kilo man.
Sa pihak nga parte, nagtaeana eon man ro Victorias Milling Company it 500,000 kilo it asukar para sa Kadiwa stores sa matawong lugar sa Visayas.
