Napamatud-an it sangka 63 anyos nga stroke survivor ag regional prize winner nga si Edgardo Garcia, residente it Brgy. Cerrudo, Banga nga owa it hokus-pokus ro mga pa-promo it Bombo Radyo Philippines matapos nga pormal eon nga nabaton ro anang P70,000 nga premyo sa ginpatigayon nga grand draw it One Two Panalo Part 24 Promo it Bombo Radyo ag Star FM ko nagtaliwan nga Disyembre 27, 2025.
Sa ginpatigayon nga simpleng awarding ceremony sa broadcast center it Bombo Radyo Kalibo, ginpahayag ni Garcia nga samtang naga-ipo it simuyaw nga andang pangabuhian nga mag-asawa hay naka-eumpat imaw sa sobrang kalipay matapos nga mabatian sa radyo ro anang pagdaog bilang sambilog sa maswerteng regional prize winner.
Suno kana nga ro anang nabaton nga P70,000 hay anang igapa-obra it second floor it andang baeay ag igatau nga balato sa anang mga kagumankunan bangud nga owa sanda it unga nga mag-asawa .
