KALIBO, Aklan—Mas pabor ro sangka kilaeang abogado sa Aklan nga makaangkon eang it pag-amyenda ag bukon it revision ukon total overhaul ro obrahon sa 1987 constitution.
Aminado si Atty. Janmar Barrios nga may pilang probisyon sa konstitusyon nga kinahangean eon nga bayluhan.
Suno kana nga masyadong maeawig nga proseso ro charter change bangud nga bilog nga konstitusyon kara ro pagabayluhan.
Nagapati man si Atty. Barrios nga maskin pila pang charter change ro paga-obrahon ag kon magapadayun ro korapsyon sa gobyerno ag magiging tamad ro mga tawo hay owa man gihapon it pagbag-o sa Pilipinas.
Samtang, kon maka-eusot sigon ro constitutional convention sa kongreso pwede eon nga mag-propose it mga paga-rebisahon.
Kasunod kara ro pagpatigayon it plebesito agud nga matumod ro pulso it publiko.
Engkaso nga matabu, raya ro kauna-unahan nga may matabu nga plebesito sa kasaysayan it nasyon para sa ginaduso nga charter change.
Bukon man sigon it imposible nga makaangkon it kapalpakan nga magiging loopholes sa ulihi nga paniempo.
