KALIBO, Aklan—Hugut nga ginabawae ro pagdaea it mabahoe nga entourage ag limitado eamang ro numero it mga pagapasugtan nga makasueod sa pagdihon it certificate of candidacy ukon COC.
Suno kay Crispin Raymund Gerardo, tagapaghambae it Commission on Elections ukon Comelec-Aklan limitado sa sambilog ro pwedeng madaea it sangka kandidato nga maga-assist kana.
Ginlaygayan man nana ro mga kandidato sa mga municipal level nga pirmeng makipag-angot sa andang comelec offices bangud sa posibilidad it pagsaylo sa ibang lokasyon ukon venue it COC filing eabi eon kon masyadong maisot ro opisina.
Bilang pagsunod sa health and safety protocol, bawae nga paeson ro face mask ag face shield ag kon mahimo hay magdaea it kaugalingon nga alcohol ag pirmeng mag-observe it physical distancing.
Sa pihak nga parte, si retired army Lt. Matt Wacan ro kauna-unahan nga nagsumite it anang COC para sa anang handum nga maging representante it aklan sa ikaywang distrito.
