Pagpanaba sa sukot sa kuryente ro sambilog sa mga nagapangunang prayoridad nga igasueong it administrasyon sa 20th Congress.
Raya ro sambilog sa mga gintalakay sa LEDAC Ad Hoc Team meeting nga ginpangunahan ni Executive Secretary Ralph Recto bilang pagpahaum sa ika-ap-at nga Legislative-Executive Development Advisory Council (LEDAC) meeting para sa 20th Congress, nga pagapangunahan ni Pangueong Ferdinand Marcos Jr., makaron nga adlaw it Huwebes sa Malacañang.
Mag-eowas sa pagbawas sa baeayran sa kuryente, kaibahan man sa mga prayoridad ro mga proposisyon nga magatau it tax relief sa mga maintok nga negosyo ag tax amnesty.
Suno kay Recto, tuyo it full LEDAC meeting nga tingbon ro Ehekutibo, Senado, ag Kamara sa mga proposisyon nga ginaeauman nga magahatud it konkretong tikang nga mapuslan it mga pumueuyung Pilipino.
Nagtambong man sa preparatory meeting ro bag-ong assign nga Presidential Legislative Liaison Office Secretary nga si Joey Salceda.
