Owa it basehan ro pahayag ni Vice President Sara Duterte nga bukon imaw it eowas sa Pilipinas.
Raya ro ginpahayag ni Palace Press Officer Claire Castro kasunod it ginpapanaog nga warrant of arrest kontra sa Bise Presidente angot sa tatlong counts it grave threats.
Suno kay Castro, owa sigon it nailistang impormasyon ro Philippine National Police ag National Bureau of Investigation angot sa ginasugid nga paeag sa kabuhi it Bise Presidente.
Ginpamilit pa kara, padayun nga ginabuytan it mga law enforcement agency ro andang mandato nga siguraduhon ro seguridad ag proteksyon it kada Pilipino.
Ginpahayag man ni Castro nga nakatutok ro PNP ag iba pang ahensya it gobyerno nga mapabilin ro seguridad it tanan kaibahan ro mga opisyal it gobyerno.
Bangud kara, ginhangkat ni Castro si VP Sara nga iplastar mismo ro basehan ag anumang ebidensya sa likod it anang pahayag nga bukon imaw it eowas sa nasyon.
