Maka-alarma ro pahayag ni Vice President Sara Duterte nga may “bending the law” sa impeachment proceedings bangud posible raya nga magtuga it pagduda sa integridad it proseso it Impeachment Court.
Suno kay House Prosecution counsel Atty. Benjamin Tolosa, ro makarondaya nga mga akusasyon hay medyu nagapabutyag nga may mga pag-eabag sa laye nga ginapasugtan sigon it Senado ag ko presiding officer, sa pihak nga uwa man raya it klaro nga basehan.
Ginpamilit man ni Tolosa nga maayos ag patas nga ginadumaeahan it presiding officer ro pagbista, bagay nga ginkilaea man sigon it kampo it depensa sa andang mga naunang pahayag.
Depende eon suno kana sa desisyon it presiding officer kun paalin tan-awon ro pahayag ni Duterte ag kun raya baea hay makabig nga pag-atake sa integridad it impeachment process.
