Ginmanduan ni Pangueong Ferdinand Marcos Jr. ro Department of Public Works and Highways (DPWH) nga umpisahan eon ro konstruksiyon it Stage 2 Integrated Disaster Risk Reduction and Climate Change Adaptation Project sa Pampanga.
Ginhimo it Presidente ro direktiba matapos ginlunsar ro Stage 1 it IDRR-CCA sa Masantol, Pampanga.
Suno pa kana, kinahang-ean nga matapos ro proyekto para mabuhinan eon ro naeksperyensyahang maeapnagong pagbaha sa mga banwa it Macabebe, Masantol, Minalin, Sto.Tomas ag Apalit, kapin eon kon tyempo it tag-uean.
Mabahoe sigon ro naging epekto sa pagtaas it baha kat pageopok it bulkang Pinatubo ko 1991 kon sa siin bumara ro mga abo ag lahar sa mga suba ag waterways.
Ginpahayag it Presidente nga sa oras nga matapos ro nasambit proyekto, makaangkon eon it proteksiyon ro mga residente it Pampanga halin sa mga pagbaha kapin eon ro mga nagaistar sa mga low lying areas.
