Ginkumpirma it Presidential Communications Office (PCO) nga nagapahaom eon makaron si Pangueong Ferdinand Marcos Jr., para sa anang ikatlong State of the Nation Address (SONA) sa Lunes, July 22, 2024.
Presenteng nakatutok ro Punong Ehekutibo sa pagsapinal it anang diskurso.
Suno sa Presidential Communication Office, hungod nga uwa anay it engagement ro presidente.
Raya hay bangud nga personal nga ginasueat it presidente ro anang mga igahambae sa publiko.
Suno pa sa Presidential Communication Office kaibahan sa ginahimo it Presidente hay ro pag edit mismo it anang SONA speech.
Makaangkon man it rehearsal ro Presidente sa Kamara apang uwa eon kara ginsambit kon san-o igapatigayon.
Nauna eon nga ginpahayag it presidente nga sueod it anang SONA ro sitwasyon it ekonomiya it nasyon, kampanya it gobyerno kontra sa kriminalidad, mga natapos nga proyekto it gobyerno ag ro iba pang mga nakalinyadang taeapuson it gobyerno sa mga masunod nga dinag-on.
