Nagguwa mismo sa baba ni Senator Ronald “Bato” dela Rosa nga nagpakita eamang imaw sa Senado bangud nga gintawgan imaw para sa pagahiwaton nga pagbotohan para sa bag-o nga Senate President.
Ginkumpirma nana nga si Sen. Alan Peter Cayetano mismo ro nagtawag kana agud nga mangin pang-13 nga botante sa grupo agud nga masiguro nanda ro mayorya.
Pahayag pa kara nga mabuhay eon man nana nga gusto nga magbalik para sa ‘change of leadership’, eabi eon sa nagahilapit nga impeachment trial ni Vice President Duterte.
Suno pa kana nga si Sen. Cayetano mismo ro nagtawag kana ag nagpadaea it van nga anang pagasakyan paagto sa Senado ko Mayo 11, 2026.
Samtang, gindugang pa ni dela Rosa nga nag-atras eon imaw sa anang una nga panindugan nga maga-apas sa The Hague para ibhan si dating President Rodrigo Duterte.
Raya hay bangud nga nakita nana nga indi pwedeng bisitahon it mga tawo si Duterte mag-eowas eamang sa anang pamilya.
Rason nga kon mapreso gid man imaw kaibahan ro dating pangueo, owa it garantiya nga maga-ib sanda nga daywa.
Pahayag pa nana nga haum imaw nga magpadakop ag magpapreso kon iya mismo sa Pilipinas pagahimuon.
