Nagmando si Pangueong Ferdinand Marcos Jr. sa mga ahensya it gobyerno nga insigidang buligan ro mga komunidad nga naapektuhan it ashfall halin sa Mayon Volcano, partikular sa mga banwa it Guinobatan ag Camalig sa probinsya it Albay.
Suno sa Presidential Communications Office (PCO), puspusan eon ro ginapatigayon nga response operations it gobyerno agud nga maprotektahan ro ikamayad nga eawas it publiko, masiguro ro kaeowasan it mga residente ag mapabiling bukas ro mga karsada ag importanteng serbisyo sa mga apektadong lugar.
Nagpanguna ro Department of Public Works and Highways (DPWH) sa clearing operations agud palahon ro madamoe nga abo sa mga nagapangunang karsada ag masiguro ro eowas nga pagbiyahe it mga residente ag emergency responders.
Samtang, nagpanupod man it relief assistance ro Department of Social Welfare and Development (DSWD) sa mga pamilyang idto sa evacuation centers.
Kaibahan kara ro libo-libong family food packs, ready-to-eat meals, ag iba pang relief supplies nga naka-preposition sa bilog nga Bicol Region.
