-- ADVERTISEMENT --
Patay ro 19 katawo sa panibag-ong air strikes it Israel sa Southern Lebanon, suno sa Lebanese Health Ministry.
Kaibahan sa mga nataya ro tatlong inunga ag tatlong kababayin-an matapos tamaan it pag-atake ro sangka baeay sa Deir Qanoun.
Nagtuhaw ro panibag-ong karahasan pilang adlaw matapos paeawigon it Lebanon ag Israel ro ceasefire sa sueod it 45 adlaw sa paagi it kasugtanang gin-anunsyo it United States.
Sa pihak it ceasefire extension, nagapadayon gihapon ro kinagamo sa tunga it Israel ag it Hezbollah sa southern Lebanon.
Sa pinaka-ulhing datos it ministry, masobra 3,000 eon ro kabilugang numero it mga namatay sa Lebanon halin kat uman nga sumikeab ro kontrahan ku Marso.
-- ADVERTISEMENT --
