Gusto ni Pangueong Ferdinand Marcos Jr. nga ma-balik sa mas maayos nga lebel ro relasyon it Pilipinas ag China ag malikawan ro mga insidenteng naga-pataas it tensyon sa tunga it daywang nasyon.
Suno sa Malacañang, raya ro nagapangunang mensahe it Pangueo sa anang 1 oras ag 20 minutong pueong kay Chinese Ambassador Jing Quiang ku Martes.
Nagapabilin nga kumpidensyal ro detalye it andang pag-istorya, apang ginsalarawan rayang naging maayos ag nag-angkon it bayluhan it panan-aw ag mga suhestyon.
Samtang, ginpamilit it Palasyo nga uwa pa it nakumpirmang kasugtanan angot it ginahambae nga “July 2024 arrangement” nga may kaangtanan sa BRP Sierra Madre sa Ayungin Shoal ag ginhangkat ro China nga ipaguwa ro ginahambae nga kasugtanan nga ginakonekta sa gina-alegar nga “secret deal” it nagtaliwan nga administrasyon ag Beijing.
