Ginpahayag ni Pangueong Ferdinand R. Marcos Jr. nga tuyo it gobyerno nga mabuhinan ro gutom sa nasyon sa pinaagi it regular nga pagpanupod it bugas sa kada pamilyang Pilipino.
Ginaduso it administrasyon ro programang pagtao it bugas kada daywang buean ukon kabilugang an-om nga beses sa sang dag-on para sa kada pamilya.
Suno sa Presidente, handom nana nga uwa it Pilipinong magutom halin kat imaw hay magpungko sa puwesto.
Ginpasiguro man it administrasyon ro pagpatuman it mga programang magatao it bastante nga pagkaon ag suporta sa mga pamilyang Pilipino.
Ro nasambit nga tikang hay kaparte it mas maeapad nga kampanya kontra sa kapigaduhon ag kagutuman sa tunga it mga hangkat sa ekonomiya.
Madumduman nga sambilog sa mga nagapangunang adbokasiya ni Marcos Jr. ro food security ag pagpabaskog it agrikultura.
Tuyo it gobyerno nga masiguro ro tayuyon nga suplay it pagkaon para sa tanan nga sektor it komunidad.
Gin-insister it Presidente, importante ro pagbuylog it gobyerno ag pumueoyo agud maangkon ro sangka nasyon nga uwa it ginagutom.
