NATIONAL News — Ginlaygayan it Philippine Coast Guard (PCG) ro publiko nga indi magpaligos sa swimming pool, suba ukon dagat kon una sa impluwensya it aeak.
Kasunod raya it insidente it pagkaeumos it sangka gina-alegar nga hilong sa Baco, Oriental Mindoro.
Base sa report, rumesponde ro Municipal Disaster Risk Reduction and Management Office sa report it pagkaeumos sa sangka suba.
Kaibahan ro PCG Oriental Mindoro, gin-usoy it rescuers sa kahabaon it suba ro 49-anyos nga biktima.
Nag-pilit sigon nga mag-eangoy sa suba ro biktima maskin nga gina-inga-an imaw it anang asawa bangud nga imaw hay nakainom.
Ap-at nga barangay ro ginsakop it operasyon para eamang mausoy ro eaeaki ag makataliwan ro pilang oras hay idtu eon nakitang owa it kabuhi ro biktima.
