KALIBO, AKLAN — Epektibo ko Hulyo 23, 2018, opisyal nga nagtaas ro presyo it lotto tickets .
Sa interview it Bombo Radyo, ginpahayag ni Mon Alipao, manager it Philippine Charity Sweepstakes Office (PCSO)-Aklan nga ro price increase it lotto ticket hay bilang pagsunod sa Tax Reform for Acceleration and Inclusion (TRAIN) Law.
Haeos 20 porsiyento sigon ro gintaas bangud sa documentary stamp tax nga makita mismo sa mga ticket .
Owa suno kana it option ro ahensiya kundi nga magsunod sa kasuguan ag pataasan ro andang presyo it ticket nga ginaeakipan it lotto nga halin sa P20 hay nagiging P24, digit games ag keno nga halin sa P10 hay P12 eon ag sweepstakes nga halin sa lima hay an-um nga pesos.
Ginpahayag dugang nga ko Hulyo 8 pa kunta ginpatuman ro bag-ong panueuktan, apang ginpaiway it Hulyo 23 agud nga mataw-an it oras ro system providers nga ma-update ro andang natungdan nga systems.
Mag-eowas kara, umpisa ko Enero, tanan nga premyo it PCSO lotto nga mataas sa P10,000 hay ginakaltasan it 20% nga buwis bilang pagsunod sa TRAIN law .
