Gin-uyog it magnitude 6.7 nga linog ro southern Peru, suno sa United States Geological Survey (USGS).
Nailista ro epicenter it linog sa 38 kilometro nga naaminhan-nakatungdan it Upahuacho, sa probinsiya it Parinacochas sa rehiyon it Ayacucho, ag may kadaeumon nga masobra sa 66 kilometro.
Nabatyagan ro pag-uyog kara sa pilang parte it southern Peru, kaibahan ro Ica ag Arequipa.
Samtang, mas mataas nga 7.2 magnitude ro gin-report it Geophysical Institute of Peru (IGP), nga naglista man it kadaeum nga 108 kilometro.
Sa unang report, owa pa it nailistang maeapnagon nga kahalitan.
Padayun man nga gina-usisa it mga awtoridad ro mga lugar nga naapektuhan it linog.
Ginpaabot man it Peruvian Navy nga owa it paeag it tsunami sa natabu nga linog.
Ro Peru hay kaparte man it Pacific Ring of Fire, rason nga pirmeng nakaka-eksperyensiya it mga mabaskog nga linog ro nasyon.
