Ginpahayag ni Philippine Coast Guard spokeperson for the West Philippine Sea Commodore Jay Tarriela nga uwa it naninahan nga personnel nga sakay it barko it Philippine Coast Guard nga BRP Teresa Magbanua matapos direkta ag intensiyonal nga sunggaban it China Coast Guard 5205 sa Escoda shoal.
Ginnpahayag ni Commodore Tarriela nga nagpatigayon it mapeligrong maniobra ro nasambit nga Chinese vessel sa pihak it unprovoked action it PCG vessel samtang nag-loiter raya sa Escoda shoal.
Ro nasambit nga aksyon hay nakabuoe sigon it atensyon halin sa nasambit nga CCG ag Chinese maritime militia vessels nga idto sa lugar rason nga maabong barko it China Coast Guard ro nag-abot ag mas maabong Chinese maritime militia vessels man ro nagasuporta sa andang maritime forces para palibutan ro BRP Teresa Magbanua.
Bilang resulta it pagsunggab it CCG vessel sa BRP Teresa Magbanua, nakaangkon raya it halit sa may bridge wing ag sa may port bow.
Raya eon ro ikalimang maritime incident sa West Philippine Sea sa tunga it mga barko it Pilipinas ag China ko buean it Agosto.
