Nakahaom ro Philippine National Police (PNP) nga atubadngon ro imbestigasyon it Senado angot sa pagserbi it arrest warrant kontra kay Kingdom of Jesus Christ leader Pastor Apollo Quiboloy ag pag-raid sa anang properties sa Davao city.
Raya hay matapos nga ginpabutyag ni Senator Robin Padilla sa imbestigasyon ro posibleng pag-eabag sa tawhanong kinamatarong sa ginkasang mga operasyon nga eakot ro masobra sa 100 nga police personnel.
Suno kay PNP spokeperson Col. Jean Fajardo, sangka manami sigon raya nga kahigayunan para mabatian ro andang bahin kon anu ro minatuod nga natabo ag nagpanindugan ro pambansang pulisya nga valid ro naging police operation ko Hunyo 3.
Ginpahayag dugang nga planadong mayad ro operasyon para malikawan ro tensiyon ag kinagamo.
Bukas suno kana ro PNP engkasong boluntaryong magsurender si Pastor Quiboloy ag iba pang kaparehong akusado sa kaso it sexual ag child abuse kamana man human trafficking.
