Nagbaeos ro China sa ginhimo nga pagpapanaog it sanctions it US sa andang mga produkto.
Sa ginhimo nga pag-anunsiyo ni Chinese Ministry of Commerce, pagapapanaugan it sanctions ro pilang mga produkto it US kaibahan eon ro biotech ag resource analytics firms.
Kaibahan man sa paga-instriktuhan ro export controls sa mga drones ag pilang mga piyesa kara kamana man ro mga teknolohiya.
Naga-abot sa an-um nga mga kumpanya halin sa US ro gindugang it China sa andang countermeasures list bilang pagbaeos sa US.
Nauna eon nga ginbawaean it US nga makasueod sa andang nasyon ro 43 nga Chinese companies bangud sa alegasyonng human rights abuse sa Uyghur ag pilang minority groups.
Ro nasambit nga tikang hay ginpatuman sang buean bago ro nakataeanang pagbisita ni Chinese President Xi Jinping sa US sa masunod nga buean kun sa siin, maka-atubang nana si US President Donald Trump.
