-- ADVERTISEMENT --
SPORTS News– Naglista it panibag-ong competition record si Filipino pole vaulter EJ Obiena kat magdaog imaw it gold medal sa Asian Athletics Championship sa Bangkok, Thailand.
Naeampasan kara ro anang buyot nga record kat mabuoe ro clearance sa 5.80 meters sa anang unang try.
Buyot it 27-anyos nga pole vaulter ro record nga 5.71 meters nga anang nahimo ko 2019 edition sa torneo nga ginhiwat sa Doha, Qatar.
Nagapabilin ro anang personal best sa 6.0 meters nga anang naangkon ko Hunyo sa Bergen Jump Challenge.
Matueopangdan nga sueod eon si Obiena sa 2024 Paris Olympics kat maangkon kara ro clearance nga 5.82 meters sa Bauhaus-Galan sa Sweden.
-- ADVERTISEMENT --
