Year of the Green Dragon sigon ro dag-ong 2024 kung siin nga golden yellow, green ag peach ro lucky colors ag lucky numbers hay 7, 23 ag 27.
Raya ro ginpahayag ni Madam Elsa sa live interview it Bombo Radyo Kalibo.
Pagpati nana nga maganami ro mga career it maabo nga indibidwal ag ro mga adjustments nga himuon para sa ikamayad nanda.
Pagsaysay man ni Elsa nga depende man sigon sa mga tawo kung magapati sanda ukon indi pero para eamang kana raya hay mga guides eamang raya pero ro kada indibidwal mata ro may desisyon ag kahigayunan nga maghimo it andang kapalaran.
May mga nagapati ukon uwa hay depende eun sigon kanda ruyon.
Ginsaysay ag ginpatpat ni Macoy ro mga manami nga oportunidad, mga indi ag indi pwede himuon, mga swerte nga numero ag kulay ag kung anong klase nga tawo ro mga gin-unga sa kada buean it dag-on, halin sa buean it Enero hasta Disyembre.
Maabo ro mga gintaw-an it laygay, suhestiyon ag mga sabat it feng shiu expert eabi eun sa mga patag it karera, paghigugma, pamilya ag swerte.
Pangunang prediksiyon ni Elsa Macoy nga may magapadayon sa gihapon nga gera sa international nga parte ag sa Mindanao nga part sigon hay maga-angkon it gulo.
Pero sa Aklan sigon hay uwa man it trahedya kundi mga baha pero bukon kapareho it dati nga sobra kalala, may mga sunog man ag ro Kalibo ag Numancia hay may matabo nga kasamaran sa karsada kung indi maaksyunan ro sangka tulay pero nagapati imaw nga ayuson man sigon it gobyerno ro nasambit nga estraktura.
Sa medikal man nga aspeto hay may bag-ong variant sigon nga magasueod sa Pilipinas nga doble pa ro epekto sa ibang masakit nga mahimo magresulta sa kamatayon.
Dugang pa nga pagsaysay ni Madam Elsa ro parte sa mga ugali ag klase it tawo sa bawat buean ag kung ano ro mga pagbag-o nga manami nga ubrahon sa dag-ong 2024.
Masayuran nga uwa man sigon it plano si Madam Elsa nga maging manugbueong ag feng shui expert ku anang kabataan pero ginausoy gida abi sigon it mga tawo ag may mga nagakinahang-ean kana.
Sa pihak nga parte uwa man sigon naila si Macoy nga himana ukon may magtuead sa anang nahimo ro anang mga unga bangud nga uwa imaw naila nga maistorbo ro andang panagbuhi.
Paathag ni Madam Elsa nga ro kada indibidwal mata sa gihapon ro magadesisyon sa anang gusto nga mga himuon parte sa anang kabuhi.
Gusto sigon nana nga maging manami ro suoed it dag-ong 2024 sa tanan, mangamuyo eang gid ag magsalig sa Diyos, ag tinguhaan nga maghanda bisan komporme.
