Hugut nga ginabantayan ni Pangueong Ferdinand Marcos Jr., ro hueag it Bagyong Inday ag ginmanduan ro tanan nga ahensya it gobyerno nga siguraduhon nga nakapahaum eon ro andang disaster response.
Suno kay Palace Press Officer Claire Castro, ginmandu eon it Pangulo sa Department of Public Works and Highways (DPWH) ro paglimpyo it mga kanae ag iba pang aeagyan it tubi sa pilang parte it Metro Manila agud nga mabawasan ro pagbaha.
Ginbutang man it Department of Environment and Natural Resources (DENR) sa full alert ro mga disaster response unit kara para mabantayan ro mga protected areas, kagueangan, kasubaan ag mga baybayong lugar nga posibleng maapektuhan it bagyo.
Padayun man nga gina-monitor it Department of Information and Communications Technology (DICT) ro mga pasilidad it mga telco.
Naka-standby man ro emergency communication equipment samtang 24/7 nga bukas ro command center it ahensya.
Ginpamilit ni Pangueong Marcos, indi dapat maging kampante ro mga ahensiya ag kinahangean nga magpabilin nga nakabantay samtang ginasubaybayan ro daeagan it Bagyong Inday.
