Posibleng magtaas it P4 ukon mas mataas pa ro presyo it bugas base sa pagtantya it grupo it mangunguma it Federation of Free Farmers Cooperative.
Raya hay bangud eon man sa mataas nga presyo it langis nga nakadugang sa delivery cost it bugas.
Suno pa sa kooperatiba nga ro pagtaas it presyo it abono ro sambilog sa nakadugang sa andang paeas-anon.
Una kara, nagtaas it P12,000 hasta it P15,000 ro presyo it abono ko nakataliwan nga buean nga nagpataas it rice production cost it P3 kada kilo.
Nagresulta raya sa profit margin nga P4 eamang kada kilo.
May pilang mga nagabaligya it bugas ro nagtaas eon man it presyo it andang mga baligya ko nagtaliwan nga buean.
Apang bangud sa reklamo it pilang bumaeakae, inde nanda mapataas ro presyo it bugas.
Sa makaron, ro presyo it lokal nga variants it bugas hay nagahampang sa P38 hasta it P40 kada kilo.
