Ginkumpirma it Department of Foreign Affairs (DFA) nga ginaumpisahan eon ro proseso sa pag uli sa nasyon it Pinay drug mule convict sa Indonesia nga si Mary Jane Veloso.
Suno kay Foreign Affairs USec. Eduardo de Vega nga may ginabilog eon nga team ro Department of Justice (DOJ) sa pakikipag buligan sa DFA ag NBI nga makikipag istorya sa Indonesia angot sa proseso sa pagsaylo it sangka detainee halin sa ibang nasyon.
Ginpahayag ni De Vega nga uwa pa nakasayod si Mary Jane Veloso sa manami nga balita angot kana bangud nga uwa pa nanda raya ginsugid bangud sa bukon pa raya it opisyal.
Sa makaron, ginaplantsa pa nanda kaibahan ro Indonesian government ro magiging term of transfer ni Veloso.
Nasayuran nga mismong si Pangueong Ferdinand Marcos Jr. ro nag kumpirma nga mapauli eon sa Pilipinas si Mary Jane, matapos mag desisyon ro Indonesia nga ipasa sa Pilipinas ro physical custody kay Veloso.
Si Veloso hay nakulong sa Indonesia ko 2010 bangud sa kasong drug trafficking ag nasentensyahan it kamatayon.
