KALIBO,Aklan– Gin-ako ni Kim Sin Tugna, provincial coordinator it Bagong Alyansang Makabayan ukon Bayan Aklan nga personal nana nga nakilaea si Maria Rita Malandac, ro babaye nga kaibahan ni Prince Egudas nga nadakpan sa entrapment operation it PNP ag AFP bangud sa pagpangotong sa negosyante nga tag-iya it sangka construction firm.
Suno kana, kaibahan nanda ro babaye pati ro anang pamilya sa andang kawsa ko tyempo nga nagpanawagan sanda nga maayudahan bangud sa halit nga gin-aywan it Bagyong Yolanda.
Apang, matapos kato hay uwa eon sigon sanda it balita mag-eowas eon lang nga naghalin raya sa C. Laserna St. Kalibo ag nag-adto sa Oton, Iloilo kon sa siin imaw presenteng naga-istar agud nga magpangamuhan.
Ginklaro ni Tugna nga bukon it nesesaryo nga ro mga aktibista hay miyembro man it NPA.
Ginpanindugan kara nga sanda hay lehitimo nga grupo nga nagatib-ong sa kinamatarong it kada isaea ag nagasinggitan sa gobyerno agud nga magampanan it husto ro andang responsibilidad sa tawo.
