NATIONAL News — Ginapadumdum it natungdan nga ahensiya it gobyerno ro publiko sa pag-atake it nagkaeain-eain nga sakit partikular ro W.I.L.D diseases tuga it tag-uean.
Suno sa Department of Health nga ro “WILD diseases” hay ginaeakipan it Waterborne Diseases halin sa pag-inom it mahigku nga tubi; Influenza-like Illnesses ukon trangkaso, ubo, ag pagpaeanakit it eawas; Leptospirosis halin sa ihi it eanggam tuga it pirmeng pagbaha ag Dengue nga halin man sa sugod it namok.
Para sigon maprotektahan sa mga nasambit nga sakit hay pirmeng magbantay sa daeagan it paniempo, magpabilin sa sueod it baeay kon may sakit ukon naga-uean, obrahon ro pagpakueob, pagtaktak, pagpamaea, pagtakop sa mga gin-butangan it tubi para owa it maistaran ro namok ag magpakonsulta eagi kon maeain ro pamatyagan.
Nauna eon nga gin-anunsyo it DOH nga maging haum ro publiko para malikawan ro “WILD diseases” makaron nga nag-umpisa eon ro tiempo it tag-uean sa nasyon.
