HEALTH News– Ginlaygayan it Department of Health (DOH) ro publiko nga limitahan ro pagkonsumo it artificial nga sweetener.
Raya hay matapos nga magpaguwa it artikulo ro World Health Organization (WHO) nga nagahambae nga posibleng link sa tunga it artificial sweetener aspartame ag liver cancer.
Sa report it WHO, nagakinahangean pa it dugang nga research sa peligro it pagkonsumo it aspartame agud nga tapuson ro mga peligro sa ikamayad nga eawas it paggamit it aspartame sa sueod it kabaton-baton nga pang-adlaw adlaw nga paggamit it 0 to 40 milligrams kada kilo it timbang it eawas.
Nasayuran nga kaeabanan nga ginagamit sa diet drinks, chewing gum, gelatin, ice cream, dairy products, cough drops ag iba pa ro nasambit nga artificial sweetener.
Angot kara, nakataeanang magpaguwa ro DOH ag Food and Drug Administration (FDA) it abiso it pagpaathag sa safety code angot sa nasambit nga isyu.
Sa pihak man it nasambit nga isyu, kinahangean sa gihapon it maid-id nga pagtuon angot sa nasambit nga bagay ag nagaeaum ro organisasyon nga ro ginasuhestiyon nga pagtaeana hay makabo-oe it atensyon it mga siyentipiko ag engganyuhon sanda nga magresearch pa it aspartame ag ro posibleng koneksyon kara sa makamaeatay nga sakit.
