BALITA Espesyal– Sangka ramen shop sa Yunlin, Taiwan ro gina-istoryahan makaron it mga Taiwanese netizens bangud sa pinakabag-o nanda nga menu, ro Godzilla Ramen!
Trend makaron sa Taiwan ro mga kakaiba ag makakilibot nga ramen.
Ko nagtaliwan nga domingo, nag-viral ag ginpilahan ro Isopod (aysopad) Ramen ag Frog Ramen.
Agud nga makadungan sa nasambit nga trend, nagpaguwa ro ramen shop nga Witch Cat Ramen Restaurant it “Godzilla Ramen”.
Himo sa 40 nga different spices ro sabaw it nasambit nga ramen apang ro main ingredient kara hay gin-eaga nga siki it buwaya.
Suno sa tag-ana it restaurant, ginpahayag kara nga naisipan nana nga maghimo it makarondaya nga klase it ramen matapos imaw nga magbakasyon sa sangka crocodile farm sa Thailand.
Idtu nana natun-an kon paalin nga mag-eaha it crocodile soup.
Ro siki it buwaya nga ginasahog sa ramen hay nagahalin pa sa sangka crocodile farm sa Taitung City, southeast of Taiwan.
Daywang siki it buwaya sa sang adlaw ro masarangan eang nga i-supply it farm sa restaurant rason nga limitado ag kinahangean nga magpa-reserve in advance para masamitan raya.
Nagabalor it 1,500 Taiwanese dollars ro sangka bowl it Godzilla Ramen.
Nagasukot man it additional 100 Taiwanese dollars nga “food waste fee” ro restaurant kon indi pagka-unon ro ramen ag gingamit eamang para videohan ag litratuhan.
