Nagpaandam ro mga siyentipiko nga padayon nga naga-lala ro epekto it human-driven global warming matapos malista ro pagtaas it pangkalibutanong temperatura sa 1.39 degrees Celsius ku 2025 kumpara sa preindustrial levels.
Suno sa sangka pag-tuon nga gin-sueat sa Earth System Science Data, posibleng umabot sa 1.5 degrees Celsius ro pag-init it kalibutan pag-abot it 2030 kun magapadayon ro presenteng lebel it greenhouse gas emissions.
Ginpakita man sa report ro padayon nga pagtaas it lebel it dagat, mas masami nga marine heatwaves, ag madasig nga pag-tipon it init sa planeta.
Nagpaandam man ro mga eksperto nga nagapameligro ro mga climate monitoring system bangud sa pagbawas it pondo sa mga importanteng observation programs, nga posibleng makaapekto sa kakayahan it kalibutan nga masubaybayan ag masolusyunan ro naga-lala nga climate change.
