Ginpamilit ni Senate Impeachment Court Spokesperson Atty. Reginald Tongol nga kaibahan sa igapaguwa nga ruling ni presiding officer Chiz Escudero angot sa pag-isyu it mga public statements ro taan nga sakop it rule 18 it impeachment court.
Raya hay angot sa igapaguwa nga ruling it Senate Impeachment Court angot sa naging post sa social media ni Atty. Amando Ligutan it prosecution team kontra sa depensa angot sa isyu it misleading question nga ginreklamo ni Atty. Shiela Sison it defense team.
Suno kay Tongol, kaibahan sa igapaguwa nga ruling ro tanan nga sakop it rule 18 kaibahan ro respondent nga si Vice President Sara Duterte, mga panel of prosecutors, mga abogado it prosekusyon ag depensa ag maskin ro mga senator-judges.
Ginalikawan sa igapaguwa nga ruling it senate impeachment court nga matalakay ro merito it kaso ag ipadumdum sa mga abogado, respondent ag senator-judges ro nagakadapat nga pagbinatasan ag decorum.
Maskin nga magpaguwa eon it ruling ro Impeachment Court, ginpahayag ni Tongol nga padayun sa gihapon ro Clerk of Court Secretariat sa pag-monitor sa mga remarks, comments ukon pahayag nga ginapaguwa it magtimbang nga parte.
