NATIONAL News — Ginpaabot it PAGASA nga sambilog ukon owa gid it ginaeauman nga bagyo nga posibleng magsueod sa Philippine Area of Responsibility (PAR) makaron nga Abril.
Suno kay PAGASA assistant weather services chief Chris Perez nga maskin nga owa it ginaeauman nga bagyo makaron nga Marso, owa ginaduea ro posibilidad nga masunod nga mga inadlaw hay makaangkon kara.
Matapos ideklara ro tiempo it tag-init, eauman ro mas mainit nga temperatura, apang posible pa gihapon ro kon amat nga thunderstorms.
Suno sa PAGASA, posibleng magsueod ro sambilog hasta daywang bagyo kada buean sa Mayo ag Hunyo, samtang ginaeauman ro daywa hasta tatlong bagyo kada buean umpisa Hulyo hasta Setyembre.
Samtang, natunaw eon ro ginabantayang low pressure area sa may Mindanao.
