Ginaduso makaron ni sangguniang bayan member Augusto Tolentino nga mataw-an it computer set ag printer ro opisina it senior citizen ag person with disabilities ukon pwd’s sa kada kabaranggayan sa banwa it Kalibo.
Suno kana, ro anang resolusyon hay sandig sa laye kon siin may 1 percent ro organisasyon it senior citizen sa pondo nga nakataeana para sa banwa.
May kaangtanan kara, nagpaabot imaw it request sa local chief executive nga si mayor Juris Sucro agud nga maita-o ro kinahang-eanon it nasambit nga mga taeatapan sa kabaranggayan bangud nga kinahang-ean it mga raya ro mga kagamitan nga makabulig sa andang operasyon.
Ginpaathag nga ro hueay it senior citizen sa pondo it banwa hay pwede nga matunga sa pwd agud nga parehas sanda nga mataw-an para inde eon ro mga raya makigamit it computer ag printer it mismong ginapanag-iyahan it barangay hall
