Nagbaton it sangka tumaeagsahon nga pagpasidungog ro sangka Aklanon nga manugturo matapos nga mapilian bilang sambilog sa ASEAN Excellence 2022 Achievers Awardee.
Si Dr. Ju-im Jimlan, Head Teacher I it Tamalagon Integrated School ro naga-isaaeahanon nga awardee sa bilog nga Western Visayas nga nagbaton it nasambit nga pagpasidungog.
Kaibahan sigon nana ro iba pang awardee halin sa National Capital Region ag mga kaeapit nga nasyon.
Nag-umpisa sigon imaw nga mag-intra sa mga contest ko 2012.
Si Dr. Jimlan hay unang nagturo sa sangka pribadong eskwelahan antes nagsaylo sa public school.
Nakita sigon nana ro mabahoe nga kinaibahan it kultura it daywang institusyon partikular ro kagamitan it mga estudyante.
Kaparte it adbokasiya ni Dr. Jimpla ro pagbulig sa mga estudyante eabi eon sa pagtao it libreng school supplies.
Nagdesisyon sigon imaw nga itaeana ro 10 porsyento it anang sweldo sa pagbakae it school supplies kada dag-on agud makabulig sa mga unga.
Sa makaron, naga-abot eon sa waeong ka mga eskwelahan sa Tangalan ro anang nabuligan.
Samtang, target man ni Dr. Jimlan nga makakuhit it award halin sa Metrobank angot sa education category sa masunod nga dag-on.
