Bangud sa sobrang paghigugma, common trend eon nga ginapa-tattoo gid ro pangaean ukon initials it andang mga karelasyon sa anuman nga parte it andang eawas.
Sangka babayeng Dutch ro nag-antus sa kasakit agud ipapaea ro 250 nga mga tattoo nga ginbutang it anang dating nobyo, eakip eon ro anang pangaean ag initials sa anang eawas eakip sa anang itsura.
Suno sa report, raya hay sangka pamaagi it eaeaki agud mapakita nga ginapanag-iyahan nana ro babaye. May nakabutang pa nga mga tinaga nga “property of” ag ginsugpunan it anang pangaean ag initials.
Personal raya nga gin-tattoo it eaeaki gamit ro anang ginbakae nga baratuhon nga tattooing machine online.
Ginbutang nana raya sa mga parte it eawas nga para kana hay natabing eon it ibang eaeaki kapareho it dughan.
Nag-report man sa kapulisan ro babaye sa ginhimo it anang dating nobyo samtang nagaeaum imaw nga mapaea ro tanan nga mga tattoo sa anang eawas kaibahan ro trauma nga gintuga kara.
