KALIBO, Aklan — Arestado ro sangka eaeaki matapos nga maaktuhang nagahampang it damang nga may kaeakip nga pustaan sa Barangay Buenafortuna, Nabas, hapon it Lunes, Setyembre 9.
Base sa report, kasunod sa reklamo it sangka concerned citizen, nagpatigayon it anti-gambling operation ro mga kapulisan ag nadakpan sa akto ro suspek nga si alyas Boy, sangka driver ag residente it nasambit nga lugar nga ginapa-away sa sangka stick ro daywang damang.
Nakumpiska sa suspek ro kapin sa P300 nga taya, P506 nga kaugalingon nga kwarta, pilang kaha nga gina-obra nga baeayan it damang ag stick nga nagaserbing arena ukon napa-awayan it nasambit nga insekto.
Ro suspek hay ginkasuhan it pag-eabag sa anti-gambling act nga may piyansa nga kapin sa P10,000 para sa anang temporaryong kahilwayan .
