-- ADVERTISEMENT --
Kalibo Aklan —-Patay ro sangka eaeaki matapos nga barilon kahapon sa Sitio Ilaya, Brgy. Agbalogo, Makato.
Nag-angkon it pila ka mga lastro sa nagkaeain-eain nga parte it eawas ro biktima nga ginkilaea kay Ariston Ortiz, 37-anyos, residente it nasambitang lugar.
Base sa report, samtang nagapungko sigon ro biktima sa binit it karsada hay may gulping nagtindog nga daywang ka mga eaeaki maeapit kana ag parehong may bitbit nga baril kung siin insigidang ginbaril it mga raya si Ortiz.
Sa pagresponde it mga otoridad gintinguhaan pang daehon sa Aklan Provincial Hospital ro biktima apang insigidang gindeklarang Dead on Arrival.
Sa makarun hay nagapabilin pang at large ro mga suspek sa pagpamaril-patay kay Ortiz.
-- ADVERTISEMENT --
