KALIBO, Aklan—Magatao it padya ro sangka maestra sa kung sin-o man ro makabalik it anang nawigit nga bracelet sa may porsiyon it shopping center sa banwa it kalibo.
Suno kay Liezel Gallardo, residente it barangay Jugas, New Washington ag presenteng nagaturo sa Candelaria National High School nga mga bandang alas-10 hasta it alas-11 it agahon ko sabado nga adlaw, petsa 20 it Nobyembre kat gulpi eamang nanang napan-uhan nga owa eun ro anang bracelet.
Base sa andang pag -review it CCTV footage sa lugar hay may nakit-an sa camera nga sangka babaying nakasuksok it puting eambong ag leggings nga nagpueot it anang bracelet.
Masunod nga nakit-an ro nasambitan nga babayi kaibahan ro sangka eaeaki samtang nagasakay sa motorsiklong SYM ag may plate number nga 060109.
Samtang, nagapanawagn man si Gallardo sa nakapueot it anang bracelet nga ibalik eun lang raya sa istasyon it Bombo radyo kalibo ukon sa kalibo municipal police station bangud magatao sanda it padya bilang pagpasaeamat bangud raya nga bagay hay may ‘sentimental value’ gid kana.
