-- ADVERTISEMENT --
KALIBO, Aklan—Nagapadayon makaron ro imbestigasyon it Philippine Coastguard ukon PCG-Caticlan ag Boracay PNP angot sa pagkaeomos it sangka mangingisda sa kaeawran nga sakop it Sitio Bolabog, Brgy. Manoc-manoc sa isla it Boracay.
Ginkilaea ro biktimang si Arnel Yap, 47-anyos ag residente it Brgy. Balabag sa nasambit nga isla.
Base sa inisyal nga imbestigasyon it mga otoridad, nagpaeawod sigon si Yap kaibahan ro pila pang ka mga mangingisda kon siin pag-abot sa nasambit nga parte it eawod hay gulpi eamang sigon nga nagtik-eob ro andang baroto ag uwa eagi nakabutwa ro biktima.
-- ADVERTISEMENT --
Ulihi eon raya nataeopangdan it anang mga kaibahan kon siin insigida man imaw nga gindaea sa ospital sa isla apang gindeklarang dead on arrival it attending physician.
