KALIBO, Aklan–Eubos ro pagpasaeamat ag kalipay nga nabatyagan it sangka manugturo matapos nga mapilian bilang sambilog sa Regional winner it Dangal ng Bayan Award Category it Civil Service Commission (CSC).
Suno kay Boby Rose Ricaforte, Master Teacher II it Aguinaldo T. Repiedad Sr. Integrated School (ATRSIS) nga gin-nominate imaw it andang District Supervisor kun siin ginplastar nana ro impact it anang mga accomplishment sa komunidad.
Partikular nga gintumod ni Ricaforte ro anang I-RISE project nga nakasentro sa pagbulig sa nagkaeain-eain nga aspeto it komunidad.
Plano man sigon nana nga mas pang paeaparon ro anang naumpisahan nga proyekto agud makatao it dugang nga inspirasyon ag motibasyon sa iba nga maghimo it kamaeayran sa isigkatawo.
Kinahang-ean sigon nga masustinir ro mga proyekto ag aktibidad nga nakaeakip kara agud nga maging epektibo.
Angot kara, nagaeaum sigon imaw nga makaeusot para maging sambilog sa national awardee it Dangal ng Bayan.
