KALIBO, Aklan—Sangka opisyal it Municipal Social Welfare and Development Office ukon MSWDO it banwa it Malinao ro ginkasuhan bangud sigon sa iregularidad sa distribusyon it ayuda halin sa social amelioration program ukon SAP it Department of Social Welfare and Development sa probinsiya it Aklan.
Raya ro ginkumpirma ni P/Major Gilbern Banderado, hepe it criminal investigation and detection group ukon CIDG-Aklan.
Ginasugid nga ro nasambit nga MSWDO officer hay ginkasuhan mismo it andang barangay kapitan bangud sa pagkaeakot sigon kara sa anomalya.
Ginkasuhan raya it pag-eabag sa Anti-Graft and Corrupt Practices Act.
Kadungan kara, gin engganyo ni major banderado ro mga pumueuyu nga magpasaka it reklamo sa andang taeatapan kontra sa mga opisyal nga ginasugid nga eakot sa anomalya sa pagpanupod it cash aid sa idaeum it SAP agud nga mabuligan sanda sa pagpatigayon it imbestigasyon ag case build-up.
Paga-usisaon pa sigon nanda ro nasambit nga reklamo ag kon maka-usoy it probable cause hay pagapasakaan nanda raya it kaso.
