Sangka puti nga L300 van ro gin-abandona sa may Brgy. Old Buswang, Kalibo.
Suno kay Kagawad Leonedis Ismael, pilang adlaw eon nga nakaparking ro nasambit nga behikulo kon siin uwa man sanda it nakit-an nga may nagabisita kara rason nga insigida man sanda nga naalarma ag ginreport sa taeatapan it pulisya.
Apang suno sa Kalibo PNP hay uwa man sigon it reported incident it carnapping.
Ro nasambit nga behikulo hay nakaparking mismo sa kanto it karsada ag obstruction sa iba pang behikulo nga nagaagi rason nga nagpawitness sanda sa mga otoridad ginhueag ro saeakyan para maabante.
Hasta sa makaron hay uwa gihapon it nagabueo sa nasambit nga behikulo.
Panawagan ni kagawad Ismael nga kon sin-o man ro tag-iya kara hay boe-on eon para inde makasagabal sa mga nagaagi nga kaparehas nga behikulo.
